Detalle noticia

Para iso, a compañía implantou un completo programa de mobilidade segura para converter o autobús nun espazo seguro para viaxar e ofrecer aos viaxeiros máximas garantías hixiénico-sanitarias durante o traxecto, que inclúe novos procesos de renovación e purificación do aire no interior dos vehículos, e procesos de limpeza e desinfección reforzados mediante nebulización, entre outros.

O correcto deseño e implantación destes protocolos de seguridade foi certificado por Aenor, quen lles outorgou o seu Certificado de Boas Prácticas de Xestión Anti Covid-19, o que supón unha garantía adicional para os viaxeiros.

Este reinicio das operacións realizarase de forma gradual ao longo das próximas semanas, na medida en que se vaia incrementando a demanda de viaxes e os hábitos de mobilidade volvan aos niveis habituais. Para apoiar esta volta á normalidade, a compañía ofrece un 20% de desconto na súa tarifa base a calquera destino nacional, para billetes adquiridos ata o 30 de xuño para viaxar este verán.

Dado o seu carácter de servizos esenciais, Alsa estivo operando as súas rutas durante todo o estado de alarma, aínda que -debido ás restricións impostas á mobilidade que limitaban os desprazamentos a motivos xustificados inescusables- cos niveis mínimos imprescindibles. Durante este período flexibilizou ao máximo as condicións de cambio e anulación para os seus clientes, e xa facilitou a devolución do importe de máis de 200.000 billetes. Agora, a compañía inicia a volta paulatina á normalidade nas súas operacións, unha vez levantadas as restricións á mobilidade entre autonomías.

NOVA WEB

Coincidindo con esta reapertura da mobilidade, Alsa lanzou a súa nova Web na que xa incorpora a súa nova imaxe de marca e distintas innovacións que melloran a experiencia dos seus clientes na contorna dixital.

A compañía redeseñou por completo o seu sitio, adaptándoo á nova marca cun deseño máis atractivo e amigable, tanto na versión escritorio como nas aplicacións móbiles para iOs e Android. A nova maquetación mellora notablemente o rendemento, especialmente a velocidade de carga, e o seu comportamento "responsive" mellorado fai que se adapte perfectamente aos distintos tipos de dispositivo.

Entre a novidades que melloran a experiencia do usuario durante o proceso de compra cabe destacar: a presentación dunha forma máis clara das diferentes tarifas, ofrecéndolle sempre por defecto en primeiro lugar a tarifa máis económica para viaxar; a nova xestión dos cambios e anulación de billetes, que se realizan agora de forma máis rápida e intuitiva; o novo buscador de traxectos; e un formato de billetes electrónicos actualizado cunha información máis clara e comprensible.

Alsa foi a primeira compañía de transporte en España en ofrecer aos seus clientes a compra de billetes por Internet en 1999 e desde entón vén realizado unha forte aposta polo desenvolvemento das súas canles dixitais. A súa web recibe máis de 53 millóns de visitas anuais, conta con máis de 600.000 usuarios rexistrados, e canaliza preto do 60% das vendas da compañía. O seu sitio conta co Certificado de Seguridade en Comercio Electrónico.