ALSA recibe o selo Safe Tourism Certified outorgado polo ICTE, que garante o cumprimento das máximas garantías hixiénico-sanitarias nos seus servizos.

Madrid, 20 de xullo de 2020.- O operador de mobilidade ALSA recibiu o selo Safe Tourism Certified que outorga o Instituto para a Calidade Turística Española (ICTE) e cuxo obxectivo é garantir en toda a xeografía española o cumprimento das máximas garantías hixiénico-sanitarias, convertendo os seus servizos en espazos seguros certificados para os turistas e clientes.

De esq. a dta.: Ignacio Pérez-Carasa, director de Relacións Institucionais de Alsa: Fernando Fraile, director xeral do ICTE; e Eduardo Mayoral, director de Seguridade de Alsa.

O operador de mobilidade ALSA recibiu por parte do Instituto para a Calidade Turística Española (ICTE) o selo Safe Tourism Certified, que garante o cumprimento das máximas garantías hixiénico-sanitarias na prestación dos seus servizos de transporte de viaxeiros, co obxectivo de converter o autobús nun espazo seguro para viaxar e recuperar a confianza de clientes e turistas á hora de realizar os seus desprazamentos en autobús.  

Safe Tourism Certified é unha marca de garantía e certificación que acredita o cumprimento da Especificación Técnica UNE 0066-17 que establece as directrices e recomendacións para a redución do contaxio polo coronavirus SARS-CoV-2 no sector turístico relativa ao sector da mobilidade por estrada. 

O selo obtense despois de superar unha auditoría realizada por empresas independentes. Esta Especificación Técnica, do mesmo xeito que outras 20 relativas ao sector turístico, están creadas a partir dos protocolos que elaborou o ICTE en coordinación coa Secretaría de Estado de Turismo, as patronais do sector, os sindicatos e asociacións de prevención de riscos laborais baixo mandato do Ministerio de Industria Comercio e Turismo e validadas polo Ministerio de Sanidade. 

A compañía ALSA inscribe o selo Safe Tourism Certified do ICTE no seu programa de Mobilidade Segura, deseñado e implantado polo operador para ofrecer máxima seguridade hixiénico-sanitaria aos viaxeiros antes, durante e unha vez finalizada a súa viaxe e mitigar así os riscos derivados da Covid-19, o que supón unha garantía adicional para clientes  e empregados.

Volver á sala de prensa