ALSA habilita buses lanzadeira para o Festival de Paredes de Coura

Santiago de Compostela, 13 de agosto de 2019. - A empresa de transporte de viaxeiros por estrada ALSA, en colaboración con Rede Expressos, informa da posta en marcha dun servizo de lanzadeira desde Valença do Minho con motivo da celebración do Festival de música rock e indie de Paredes de Coura (Portugal), que terá lugar do 14 ao 17 de agosto.

ALSA porá en marcha dous servizos diarios que saen desde a estación de autobuses de Santiago de Compostela, un ás 10:00 e outro ás 17:30 horas. Efectúan parada na estación de Vigo ás 11:30 e ás 19:00 horas, respectivamente. Desde Valencia do Minho sairán as lanzadeiras para achegar aos asistentes ao Festival ás 11:45 e 19:45 horas.

A volta efectuarase desde o Festival os días 14 e 15 de agosto ás 14:15 horas. Desde Valençia do Minho sairá un servizo ás 14:45 horas con chegada a Vigo ás 16:45 e a Santiago de Compostela ás 18:15 horas. Durante o venres e o sábado, haberá un servizo adicional ás 20:00 horas con chegada a Vigo ás 22:30 e a Santiago ás 00:00 horas.

Os billetes pódense adquirir nas distintas canles de venda da compañía: www.alsa.es; 902 42 22 42 e puntos de venda das estacións, a partir de 31 euros ida e volta ou 18 euros só a ida.

Con estes servizos especiais ALSA quere facilitar a viaxe en transporte público a todos os galegos que queiran gozar deste Festival de música alternativa celebrado a beiras do río Coura, no norte de Portugal.

Volver á sala de prensa