ALSA certificará con AENOR os seus protocolos de xestión anti Covid-19

Madrid, 11 de maio de 2020.- O operador de mobilidade ALSA chegou a un acordo con AENOR para certificar os protocolos de xestión anti Covid-19 que a compañía implantou e que afectan aos servizos de transporte que a compañía opera en España. Deste xeito, ALSA converteríase na primeira compañía do sector da mobilidade en obter este certificado.

Esta certificación forma parte do plan ALSA Mobilidade Segura, un completo programa que deseñou o operador para garantir que os seus servizos son operados coas maiores garantías hixiénico-sanitarias. O seu obxectivo é ofrecer aos viaxeiros máxima confianza á hora de viaxar e recuperar así os seus hábitos de mobilidade en transporte público, un aspecto clave nesta fase de desescalada do confinamento para afrontar con éxito a volta á normalidade.

Os protocolos anti Covid-19 de ALSA que certificará AENOR contemplan todos os momentos en que un viaxeiro entra en contacto cos servizos de compañía antes, durante e unha vez finalizado a súa viaxe. Desta forma, inclúen procesos como a venda de billetes, o tránsito en estacións e dársenas, o proceso de embarque no vehículo, a distribución dos pasaxeiros no interior do autobús, a climatización e desinfección dos vehículos, así como as medidas de protección de viaxeiros e empregados, entre outros.

CERTIFICADO DE BOAS PRÁCTICAS CONTRA O COVID-19

Recentemente AENOR puxo en marcha o seu Certificado de Boas Prácticas contra o Covid-19, co que as compañías poden respaldar ante os seus clientes que están a desenvolver prácticas eficaces para a xestión dos riscos derivados do Covid-19.

Dentro do proceso de certificación, AENOR contrastará os protocolos Anti Covid-19 establecidos por ALSA están en liña coa guía que desenvolveu, en base ás recomendacións e requisitos de distintos organismos nacionais e internacionais, como o Ministerio de Sanidade ou o Instituto Nacional de Seguridade e Saúde no Traballo, así como outros documentos de referencia e casos de éxito.

Posteriormente, certificará o seu cumprimento.

AENOR someterá aos servizos de ALSA a unha auditoría mediante exhaustivas avaliacións tanto presenciais como documentais para asegurar que a compañía está a aplicar os protocolos adecuados e demostrar ante clientes, empregados e público en xeral o seu compromiso para evitar a propagación do virus, e como parte do seu Plan ALSA Mobilidade Segura, un conxunto de iniciativas dirixidas a ofrecer confianza aos viaxeiros á hora de realizar os seus desprazamentos.

Volver á sala de prensa