Felipe II.aren Trenaren hirugarren denboraldia hasiko da

Madril, 2019ko martxoaren 21a. - Datorren martxoaren 22an Felipe II.aren Trenaren hirugarren denboraldia hasiko da Madril eta El Escorial artean. 2017ko uztailean martxan jarri zenetik, 33.000 pertsona baino gehiago bidaiatu dira tren turistiko honetan eta San Lorenzo de El Escorialeko ondare kulturalaz gozatu dute.

Berritasun gisa, denboraldi berri honetan El Escorialgo Udalarekin elkarlanean, apirilaren hilean hasita, bidaiariei aukera ematen zaie larunbatetan arratsaldez “Arratsaldeko kondairak. El Escorialgo jatorria” izeneko herrian txango bat egiteko. Jarduera honek bisita gidatua eskaintzen die bidaiariei, DEVERDE escurialdar elkartearen eskutik pertsonaiak antzeztuta, El Escorialgo Udaletik tokiko turismoa dinamizatzea helburu duena. Bisita autobus geltokitik abiatuko da San Lorenzo de El Escorialen eta oinezko ibilbidea egingo du Printzearen etxetxeko lorategietatik jaitsiz, hirigunea zeharkatuz eta San Berbabé elizan amaituz.

2019ko denboraldi honetarako konpainiak 110 espedizio programatu ditu, urteko asteburu guztietan, jaiegun nazionaletan eta Madrilgo Erkidegokoetan, eta ostegunetan, Príncipe Pío geltokitik abiatuta. Irteera 10:20an da eta itzulera San Lorenzo de El Escorialgo geltokitik 18:24an.

Bidea 50 minututan egiten da eta Felipe II.aren irudia ordezkatzen duen animatzaile batek alaitzen du. “Inperiala”, “Kondairak” eta “Zeharkaldia” paketeen bidez, aukera sorta zabala eskaintzen da, Monasterioan gidatuta edo libre sartzea, San Lorenzo udalerrian bisita bat egitea edo baita trenean bidaiatzeaz soilik gozatzea ere barne hartzen dutenak. Gainera, aurreko denboraldietan bezala, trena ikastetxe, enpresa eta elkarteen eskura dago bidaia desberdin eta pertsonalizatu bat egin nahi dutenentzat. Asteazkenetan ere zirkulazio berezi batzuk gehitzen dira nazioarteko publikoari zuzenduta, Príncipe Píotik 9:10ean abiatuta eta 13:35ean itzulita, itzulerako bidean lunch bat barne hartuta.

TREN TURISTIKOA

Tren turistiko honetan bidaiatzea esperientzia erakargarria eta San Lorenzoren eta El Escorialgo Monasterio eta Errege Gunearen aberastasun historiko eta monumentalera hurbiltzeko eta ezagutzeko modu berezia da, UNESCOk Gizateriaren Ondare izendatua.

Felipe II.aren Trena Madrilgo Erkidegoak, Ondare Nazionalak, Espainiako Trenbideen Fundazioak, San Lorenzo de El Escorialgo Udalak, El Escorialgo Udalak eta ALSAk sustatutako ekimena da.

Bidea tren historiko batean egiten da, joan den mendeko 40ko hamarkadan eraikitako 5000/6000 Serieko lau kotxez osatuta, 232 plazatarako gaitasuna dutenak, eta ALCO 321 diesel lokomotora batek atoian eramaten du.

Prentsa-aretora itzuli