Bilbotik zerbitzu berriak uda honetan autobusez Europara bidaiatzeko

Bilbo, 2019ko ekainaren 12a.- Uda sasoiaren hasierarekin batera, ALSA errepidez bidaiarien garraio konpainiak jakinarazi du zerbitzu zuzen berriak programatu dituela eta irteera kopurua handitu duela Bilbotik Europako hainbat helburutara bidaiatzeko.

Horrela, uda honetan ALSAk Bilbo-Paris zuzeneko zerbitzu berri bat eskainiko du egunero bi noranzkotan, eta beste zerbitzu zuzen bat Bilbotik Tolosa eta Marsellara, astero sei irteerarekin. Hirugarren zerbitzu zuzen berri bat Lyon eta Genevara joango da, eta astero zortzi irteera izango ditu.

Helmuga eta espedizio berri hauekin, konpainiak Bilbotik Europako hainbat hiritara egiten dituen nazioarteko konexioen eskaintza zabaldu eta hobetu nahi du nabarmen.

TARIFA BERRIAK PORTUGALERA

Udako programazio berriarekin batera, ALSAk tarifa berriak jarri ditu martxan Bilbotik Portugalera doazen helmuetarako, eta % 25eko deskontua barne hartzen dute oinarrizko tarifan 26 urtetik beherakoentzat eta 65 urtetik gorakoentzat, asteko egun guztietan bidaiatzeko.

Gainera, ekain honetan, bederatzi eurotik aurrerako tarifak eskaintzen dira Bilbotik eta Euskal Herriko beste puntu batzuetatik Portugalgo hainbat helmuetara bidaiatzeko, hala nola Lisboa edo Coimbra.

Gaur egun, ALSAk nazioarteko zerbitzuen sare zabala eskaintzen du, Bilbo Europako hiri nagusiekin lotzen duena Frantzian, Suitzan, Belgikan, Herbehereetan, Alemanian, Erresuma Batuan eta Portugalen, baita Marokon ere.

Prentsa-aretora itzuli