INJUVEk eta ALSAk akordioa egin dute gazte txartelaren titularrei deskontuak eskaintzeko.

Gazte Karnetaren titularrek %15eko deskontua izango dute konpainiaren txarteletan.

Madril, azaroak 19.- Gazteriaren lnstitutuak (Injuve) eta errepidez bidaiarien garraio konpainiak, ALSAk, hitzarmen bat sinatu dute Gazte Txartelaren arloan elkarlanean aritzeko.

Akordio honi esker, Gazte Txartelaren titular guztiei ALSAren txarteletan % 15eko deskontua izateko aukera eskaintzen zaie, autonomia erkidego bat baino gehiagotatik igarotzen diren distantzia luzeko zerbitzu guztietan. Deskontu hau familia ugariko deskontuarekin eta joan-etorrikoarekin pilatu daiteke.

Tarifa berezi hauetara sartzeko, Gazte Txartelaren titularrek doan erregistratu beharko dute Club Busplus-en, www.alsa.es webgunearen bidez. Txartelak konpainiaren webgunean erosi ahal izango dituzte eta autobusera sartzean Gazte Txartela eta NANa aurkeztu beharko dituzte.

Alsa.es webgunean ALSAren deskontu hau ahalbidetzen duten zerbitzuak kontsulta daitezke, baita Club Busplus-en baldintzak ere.

Europako Gazte Txartela 36 herrialdetan dago presente, eta horien artean, txartelaren bost milioi gazte baino gehiagok herrialde bakoitzean eskaintzen diren 60.000 abantaila eta deskontuez gozatu ahal izango dute, eta guztiak Europa osorako Gazte Txartel bakarrarekin. Deskontuen elkarrekikotasunaren bidez, txartelaren titularrek herrialde bakoitzeko abantailak dituzte, eta hori tresna bikaina da gazteen mugikortasunerako Europan. Gazte Txartelarekin lor daitezkeen abantailak garraioan, aisialdian, kulturan, zerbitzuetan, hezkuntzan edo bidaia-aseguruetan oinarritzen dira. Europako Gazte Txartelaren-European Youth Card herrialdeak eta deskontuak www.eyca.org webgunean kontsulta daitezke.

Prentsa-aretora itzuli