Pode presentar a súa queixa ou reclamación a través destas canles:
- Cubrindo este formulario de contacto.
- Por correo electrónico: alsa@alsa.es
- Por teléfono, chamando ao (+34) 91 020 7007 (atención 24 h).
- Presencialmente nas nosas oficinas de Calle Josefa Valcárcel, 20 de Madrid.
Para estar informado do estado da súa queixa ou reclamación, póñase en contacto con alsa@alsa.es ou chame ao (+34) 91 020 7007 (atención 24 h) e indique o número de referencia que se lle facilitou.
En Alsa, a excelencia significa cumprir cos compromisos que adquirimos con todos os grupos de interese que conflúen na nosa actividade empresarial. Os devanditos compromisos exprésanse na nosa Política de Sostibilidade.
Ademais, neste ámbito, Alsa manifesta expresamente o seu compromiso firme de atender e resolver as queixas e reclamacións que poidan achegarnos os nosos clientes e usuarios. Para iso, contamos cun proceso específico que dotamos dos recursos máis axeitados, e que estamos en proceso de certificar conforme a Norma UNE-ISO 10002:2018.
O deseño deste proceso puxo o foco no seu usuario e inspírase nos seguintes principios:
- A facilidade de acceso á información e actividades relacionadas.
- A transparencia, obxectividade, integridade e confidencialidade no tratamento da información.
- A gratuidade completa do proceso.
- A rapidez na resposta.
Dispomos dun equipo cualificado para atender as súas queixas, suxestións e reclamacións, dispoñible as 24 h.
Ademais, todo o sistema está sometido a métodos de control, seguimento e mellora continua que aseguran a súa eficacia e a permanente adecuación ás necesidades e expectativas dos usuarios.
RECEPCIÓN
Pode presentar a súa queixa ou reclamación nas canles dispoñibles antes mencionadas.
Intente achegarnos a seguinte información, para que poidamos tramitar mellor a súa solicitude:
- Nome e apelidos.
- Enderezo de correo electrónico, teléfono ou outro medio de contacto.
- Localizador da viaxe, se dispón del. De non ser así, debe utilizar o formulario de suxestión e achegar, amais dos datos anteriores, orixe/destino, data e hora do servizo.
- Información o máis completa posible do motivo da súa queixa.
INVESTIGACIÓN E RESOLUCIÓN
Internamente, en Alsa pomos en marcha un proceso de investigación do acontecido, a fin de recompilar a información máis completa posible sobre a incidencia e as causas que a motivaron. Os responsables correspondentes proporán a mellor solución posible á súa queixa.
Durante este tempo, pode consultar cando o desexar o estado da súa queixa en alsa@alsa.es ou chamando ao (+34) 91 020 7007 (atención 24 h), e deberá achegar a referencia asignada.
Tamén lle preguntaremos pola súa satisfacción coa atención recibida e coa resolución da súa reclamación.
ANÁLISE E MELLORA
En Alsa analizamos mensualmente o cumprimento dos nosos compromisos sobre os prazos e a calidade da atención prestada, e melloramos continuamente o proceso para os nosos usuarios.
