Alsa permite a viaxe con animais baixo as seguintes condicións:
- O animal viaxará baixo a responsabilidade do propietario, que irá no mesmo autobús.
- Máximo unha mascota por vehículo, que viaxará na bodega nun espazo reservado para tal.
- Só se admitirán animais pequenos como cans, gatos, aves (non de curral…) cun peso inferior a 10 kg.
- Excepcionalmente, previa autorización do técnico do servizo, aceptaranse outras mascotas non perigosas.
- O animal viaxará nunha gaiola, transportador ou outro elemento pechado, ríxido e impermeable proporcionado polo viaxeiro.
- A mascota será maior de 12 semanas, identificada con microchip, debidamente documentada (Sistema de Identidade Individual de Animais –SIIA–, Cartilla sanitaria actualizada), desparasitada externa e internamente e vacinada consoante a normativa de orixe e destino do transporte.
- Non se admiten femias preñadas ou con só unha semana transcorrida tras o parto.
- O animal será quen de moverse por si mesmo e non terá feridas.
- O día da viaxe, preséntate 15 minutos antes da saída para depositares persoalmente o transportador no autobús.
- Os cans de asistencia poden viaxar no interior do autobús, cos pasaxeiros, sen custo adicional. Deberán ir documentados.
- Non está permitido o transporte de animais en traxectos internacionais.
Por motivos de seguridade, NON recomendamos viaxar con mascotas en datas e horas en que a temperatura ambiente sexa superior aos 25ºC.