Alsak, hiri arteko ibilbideetan, mugikortasun urriko bidaiarientzako, adin aurreratuko pertsonentzako, emakume haurdunentzako eta desgaitasunen bat duten pertsonentzako laguntza-zerbitzuak eskaintzen ditu. Kontsultatu ea eskuragarri dagoen, ibilbide bakoitzean eta ibilgailu zehatzetan.
Baldintza hauek izan behar ditu kontuan bidaiariak:
- Irteera-ordua baino 15 minutu lehenago egon behar da nasan.
- Zera egiten lagunduko da: autobusean igotzen eta autobusetik jaisten, plaza aurkitzen eta ekipajea sartu eta ateratzen (jatorriko geltokian, helmugan eta erdibideko geralekuetan).
- Zerbitzuak ez du eskaintzen mugitzen laguntzeko elementurik, eta ez da laguntzarik ematen erdibideko geralekuetan. Era berean, autobusean bertan ez da jateko, edateko ezta komunera joateko laguntzarik ematen. Behar izanez gero, norbaitekin joan beharko da bidaiaria.
- Erabilgarri dago PREMIUM zerbitzu guztietan eta ibilbide hauetan:
- Madril - Granada
- Almeria – Murtzia
- Fraga – Lleida
- Granada – Granadako aireportua
- Zerbitzu horiek izateko, aurretiaz egin behar da erreserba, gure salmenta-puntuen, webgunearen edo arreta- eta salmenta-telefonoaren bidez (902 42 22 42).
Langile gaituen konpainia eskaintzen du, Alsako PREMIUM gelatik nasaraino. Zera hartu behar da kontuan:
- Eskuragarri dago PREMIUM gela duten geltokietako PREMIUM zerbitzu guztietan, gela irekita dagoen orduetan.
- Ez da aurretiaz erreserbatu behar; besterik gabe, irteera-ordua baino 30 minutu lehenago jakinarazi behar zaio gelan dagoen laguntzaileari.
- Jatorriko geltokian bakarrik ematen da, eta PREMIUM gelatik nasara bitarteko bidea hartzen du barne.
- Ekipajearekin laguntzen da, baita plaza aurkitzen eta autobusera igo eta autobusetik jaisten ere.
- Zerbitzuak ez du eskaintzen mugitzen laguntzeko elementurik, eta autobusean ez da ez konpainiarik ez komunera joateko laguntzarik ematen. Era berean, geralekuetan ez da jaten edo edaten laguntzen. Behar izanez gero, norbaitekin joan beharko da bidaiaria.
