Konpentsatu zure karbono-aztarna

Alsa, ingurumenaren oreka leheneratzearekin konprometituta

Konpentsatu zure bidaiaren karbono-aztarnaAlsa basoa - Valdaviako Congosto basoberritzea (Palentzia)

Zure txartelak eragiten duen karbono-aztarna konpentsatuz gero, Alsaren karbono-aztarna ziklo osoan konpentsatzeko eta basoberritzeko proiektuei laguntzen diezu, zure bidaiak eragiten dituen isurtzeen kopuru baliokidean.

Alsak karbono-aztarna konpentsatzearen alde lan egiten du Espainian:

  • Autobusa erabiltzean sortzen diren berotegi-efektuko gasak 5,5 aldiz gutxiago dira ibilgailu pribatua erabiltzean baino.
  • Ingurumenaren arloko estrategien politiken bitartez, Alsaren isurtzeak % 18,4 murriztu dira 2015. urtetik hona; izan ere, azken 2 urteotan, 136 EKO edo ZERO ibilgailu erosi ditugu, 2019-2020 aldian 46 milioi eurotik gorako inbertsioa eginez, eta hiriguneetan EKO edo ZERO ez den ibilgailurik ez erabiltzeko konpromisoak hartzen hasiak gara 2020az geroztik.
  • Orain, Alsa Basoa sortzen laguntzeko aukera eskaintzen diegu gure bezeroei, gurekin bidaiatzen dutenean eragiten duten aztarna konpentsatu ahal izateko eta, aldi berean, balio ekologiko handia duten eta baso-soiltzen ari diren guneak basoberritzen lagunduz.

Alsa Basoa - Basoberritzea Congosto de Valdavian (Palentzia)

Lagundu gure Ingurumen Estrategian

Alsa, mugikortasun jasangarriko enpresa liderra, eta CO2 Revolution, area degradatuen basoberritzean liderra den konpainia, elkartu egin dira eta lankidetza-hitzarmena sinatu dute Espainian basoberritzeko proiektuak egiteko, klima-aldaketaren eta baso-soiltzearen aurka tinko lan eginez, betiere ingurumenaren oreka leheneratzea eta, aldi berean, CO2aren konpentsazioa egitea xede izanik.

Alsa basoaAlsa basoa - Valdaviako Congosto basoberritzea (Palentzia) droneekin

Ekimen hau Congosto de Valdavia (Palentzia) udalerrian dago, eta ingurunearen balio ekologiko handia berreskuratzea du helburu, 2020. urtean sute ikaragarri bat jasan baitzuen eta 100.000 zuhaitz baino gehiago erre baitziren.

Horrela, bada, 58,9 hektarea basoberrituko dira, hau da, 92.240 zuhaitz baino gehiago landatuko dira eta, gutxi gorabehera, 81.989 tona CO2 xurgatuko dira ziklo osoan.

Basoberritzea espezie autoktonoekin egingo da, eskuzko baliabideen bitartez eta, CO2 Revolution enpresak eskaintzen duen laguntza teknologikoari esker, metodo tradizionalak metodo abangoardistekin uztartuta, hala nola Big Data edo "hazi adimendunak" erabiltzea, edo droneak erabilita landatzea.

Alsak 10.000 tonako hasierako erreserba bat du; horrek esan nahi du 8 hektareako eremu batean jardungo dela eta 11.250 zuhaitz inguru landatuko direla, baina zenbateko horiek handitu ahal izango dira, arian-arian, beharren arabera.