Os nosos compromisos
En ALSA, sempre traballamos co obxectivo de mellorar día a día os nosos servizos e conseguir a súa máxima satisfacción cada vez que decida viaxar connosco.
Por iso, hoxe temos o pracer de presentarlle a nosa Carta de Servizos. Nela encontrará todos os compromisos que queremos asumir con vostede para ofrecerlle un servizo de calidade así como o que pode esperar de nós en cada viaxe:
- Viaxará seguro connosco
- Os nosos servizos serán puntuais e fiables.
- Encontrará con facilidade toda a información dos nosos servizos.
- Recibirá un trato amable e profesional.
- Gozará de todas as facilidades á hora de organizar a súa viaxe.
- Estaremos siempre ao seu lado.
- Continuaremos investindo na nosa frota, persoas e servizos.
- Estaremos comprometidos coa Comunidade.
Goce da súa viaxe con ALSA
Porque a súa seguridade é a nosa máxima prioridade.
Operamos baixo os máis estritos procedementos de seguridade, non só aplicando rigorosos plans de mantemento na nosa frota senón poñendo unha constante atención á selección e formación do noso persoal.
A nosa frota cumpre todas as esixencias legais e regulamentarias en materia de seguridade, dispoñendo de información a bordo sobre o modo de actuación en caso de accidente así como dos equipos necesarios para estes casos: extintores, martelos rompe cristais, ventás de socorro e sinalización de apertura de portas.
Porque asumimos o compromiso de ofrecerlle un servizo de calidade.
Realizamos unha minuciosa programación dos nosos servizos para garantir, en situacións normais de explotación, o cumprimento dos horarios de saída e chegada.
Para conseguir unha maior fiabilidade das nosas operacións, a maioría da nosa frota dispón da tecnoloxía necesaria para o seguimento dos vehículos, monitorización do progreso e situación.
O billete sempre garante unha praza para viaxar no servizo especificado nel. Se por calquera causa se cancelase o servizo, Vostede ten dereito á devolución do prezo do billete ou a viaxar noutra expedición.
Porque poñemos á súa disposición unha gran variedade de canles de información e venda.
Queremos proporcionarlle información completa sobre os nosos servizos e facilitarlle a compra dos seus billetes e, por iso, encontrará todo o que busca nos seguintes canles:
- Ampla red de Oficinas de Venda.
- Páxina web: www.alsa.es
- Servizo telefónico de Información e Venda: 902 42 22 42.
- Aplicacións en dispositivos móbiles (tablets e smartphones).
- Máquinas autovenda.
- Red de caixeiros de La Caixa.
- Axencias de Viaxe.
- Venda a bordo do autobús.
Sempre lle ofrecemos o billete máis axeitado ás súas necesidades tanto por prezo coma por comodidade a través dos nosos billetes combinados.
Adicionalmente poñemos á súa disposición a frota de autobuses de gran Calidade (Premium, Supra, Eurobus) en varios dos itinerarios interurbanos e convidámolo a participar no noso programa de fidelización ALSAPLUS+ para que poida beneficiarse de múltiples vantaxes.
Porque o noso persoal recibe formación específica en atención ao cliente.
Tratámolo con amabilidade e respecto, tentamos solucionarlle as súas dúbidas de inmediato ou, no seu caso, indicámoslle onde poden atender correctamente ás súas peticións.
Asegurámonos de que o noso persoal cumpre estritamente os nosos estándares de calidade en materia de atención ao cliente e recibe formación específica en tratamento de viaxeiros con discapacidade ou mobilidade reducida (PMR).
Porque queremos que realice a súa viaxe dun xeito agradable e sinxelo.
Facilitándolle o transporte da súa equipaxe voluminosa, bicicletas e mascotas, en determinadas condicións.
Facilitándolle a compra do seus billetes cunha antelación de ata seis meses.
Facilitándole o cambio ou cancelación do billete a través da mesma canle utilizada na compra (incluida a nosa páxina web e servizo telefónico).
Facilitándolle a emisión dunha factura dixital dos seus billetes se o solicita a través da nosa páxina web.
Porque nos comprometemos a contestar a totalidade das suxestións, queixas e reclamacións.
En caso de atraso ou de calquera outra incidencia na realización do servizo, Vostede ten dereito a ser informado debidamente e, baixo petición, facilitarémoslle un xustificante dos atrasos producidos.
No suposto de que extravíe algún obxecto durante a súa viaxe, comprometémonos a realizar unha busca áxil e activa deste e poñerémonos en contacto con vostede cando o encontremos.
Temos establecidas unha serie de compensacións aos clientes, en caso de que non se cumpran determinados niveis de calidade por causas imputables á nosa empresa.
Porque queremos estar á vangarda do sector.
A nosa frota de autobuses é moderna e de calidade. Ademais, continuamente aplicamos rigorosos plans de mantemento para estar sempre a punto.
A nosa frota cumpre esixentes estándares de confort adaptados a cada servizo e protocolos diarios de limpeza interior e exterior que permiten ofrecer unhas condicións óptimas para a súa viaxe connosco.
As nosas persoas están debidamente preparadas para desempeñar funcións de atención ao cliente e seguiremos formándonos para estar á altura das súas expectativas. A seguridade tamén é unha materia primordial para nós e a formación nesta área é continua.
Porque seguiremos contribuíndo á mellora das condicións sociais, ambientais e económicas.
En consonancia cos nosos valores corporativos, mantemos acordos con numerosas Fundacións, ONGs, Universidades e demais Institucións docentes, académicas e investigadoras ademais de colaborar con diversas Administracións Públicas para fomentar a intermodalidade no transporte de viaxeiros.
Dispoñemos de protocolos de actuación para atender de forma axeitada a persoas de mobilidade reducida (PMR). Se se pon en contacto connosco para comunicarnos ás súas circunstancias persoais, comprometémonos a informalo das alternativas que podemos ofrecerlle.
Somos respectuosos co medio contribuíndo a reducir as emisións de gases de efecto invernadoiro (GEI) mediante a promoción do transporte público e a incorporación da frota máis eficiente do mercado, utilización de enerxías limpas e a implantación de programas de redución de consumo.