O proceso de venda nestas canles é similar ao da web, pero atendido
presencialmente por un dos nosos axentes.
En primeiro lugar, preguntaranche pola orixe-destino e a data de
viaxe que prefires.
A continuación, ofreceranche os servizos designados preferentemente
como PMRCR e, se fosen do teu agrado, concretarán contigo o resto de
aspectos da reserva.
Se estes servizos non responden ás túas necesidades, o axente de
venda contactará co noso persoal operativo para facilitarche o
servizo solicitado ou ofrecerche unha alternativa. Neste caso, canto
maior sexa a antelación da data de reserva respecto da data de
viaxe, máis posibilidades de viaxe poderemos ofrecerche.
En función do tipo de solicitude recibida, pode que sexa necesario
interromper a venda e retomala noutro momento. Seremos nós os que
nos poremos en contacto contigo para continuar coa reserva en
función das novas opcións dispoñibles.
Unha vez acordada a data/hora de viaxe, o noso persoal de atención preguntarache:
1. Se vas levar a túa cadeira de rodas no espazo PMRCR ou no
maleteiro. Deste xeito, adecuaremos o vehículo segundo o espazo
que necesites, e reservarémosche a butaca ou o espazo que máis che conveña.
Neste caso é moi importante que coñezas as
condicións de acceso da túa cadeira de rodas
aos nosos vehículos.
Se a túa cadeira non cumpre algunha das condicións para
viaxar a bordo, debe viaxar no maleteiro.
2. Se vas querer transferirte a unha butaca convencional.
Así poderemos reservarche, sen custo adicional, a butaca máis
próxima ao espazo PMRCR.
Por limitacións técnicas dos vehículos, este asento atópase ao
outro lado do corredor, na posición máis próxima ao espazo PMRCR.
Atención:
- Por razóns de seguridade, tanto do viaxeiro como do persoal de
Alsa, a transferencia débea realizar o viaxeiro polos seus propios
medios ou con axuda do seu acompañante.
- A distancia ata a butaca e a diferenza de altura desde o
corredor ao nivel onde se sitúan as butacas pode variar en función
do modelo.
Consulta
máis información.
3. Se vas necesitar un acompañante que che axude a transferirte
desde a cadeira de rodas, ou a embarcar se prefires deixala no
maleteiro. No caso de que necesites axuda, desde Alsa ofrecemos
un billete gratuíto para que poidas levar contigo a persoa que te
asista neste proceso.
Ao teu acompañante asignaráselle a butaca contigua á de
transferencia. Por razóns de seguridade, este acompañante deberá
viaxar contigo, por se necesitas asistencia nas paradas intermedias
ou por se xurdise algún imprevisto durante o servizo.
En calquera caso, é IMPRESCINDIBLE que nos facilites un
número de teléfono válido para que poidamos confirmar contigo a
reserva e as túas necesidades de viaxe. En caso contrario, a
reserva non poderá confirmarse.
Tamén utilizaremos este teléfono para avisarte no caso de
que ocorrese algún contratempo co servizo ou coa teu reserva.
Español
Català
Français
English
Italiano
Português
Euskara
Deutsch
