Viaxar con material deportivo en Alsa

Alsa facilítache o transporte de material deportivo. Podes solicitar o servizo nos puntos de venda, páxina web e aplicación de Alsa, que terá un custo de 5€ por viaxe para os servizos de curta distancia, 10€ para os servizos de longa distancia e 25€ para os servizos internacionais.

Condicións

• Admítese un só obxecto por billete, máximo 4 por vehículo.
• Este servizo non está dispoñible nos autobuses de dous pisos. 
• O material irá debidamente embalado nunha caixa ou funda.
• Os puntos de venda Alsa dispoñen de fundas para bicicletas desde 15 €.
• Na web, na App e no teléfono 902 422 242 poderás engadir o servizo só durante o proceso de compra.
• Unha vez finalizada a compra do billete, só poderás engadir este complemento en puntos de venda e dependerá da capacidade do vehículo.
• Este servizo non está dispoñible nos autobuses de dous pisos.

Para engadir esta equipaxe na web:

1. Inicia a compra do billete.

2. Ao chegares a «Personaliza o teu asento», dentro de «Completa o teu billete» selecciona a opción «Material deportivo».

3. O complemento engadirase ao teu resumo de compra como «Servizo adicional».

Na App

Se es cliente Alsa Plus:

1. Se estás identificado como Alsa Plus, tras escoller o teu billete, pasarás a «Servizos adicionais».

2. Selecciona a opción «Material deportivo» e preme «CONTINUAR».

3. No resumo de compra, poderás ver o importe do complemento identificado como «Servizo adicional».

Se non es cliente Alsa Plus:

1. Inicia a túa compra e unha vez escollido o billete accederás a «Pasaxeiro principal».

2. Unha vez introducidos os teus datos, preme en «CONTINUAR».

3. No resumo de compra, poderás ver o importe do complemento identificado como «Servizo adicional».

Prohibición de patinetes eléctricos

• Desde o 10 de xaneiro de 2024 prohíbese o acceso ao bus con patinetes eléctricos a todos os servizos de Alsa.
• Esta prohibición aplícase non soamente aos patinetes eléctricos, senón a calquera outro dispositivo de mobilidade dotado de baterías.
• Exclúense da prohibición os vehículos de persoas con mobilidade reducida.
• A medida adóptase para salvagardar a seguridade dos clientes.

Outras equipaxes especiais

As mesmas tarifas e condicións serán aplicables a todos aqueles equipamentos e complementos de deporte ou lecer equiparables, similares ou asimilables aos descritos anteriormente e que polas súas dimensións ou características deban de ir localizados na bodega do autobús. Estas equipaxes deben encontrarse en condicións de viaxar sen provocaren danos noutras equipaxes ou vultos, e é obrigatorio que vaian embaladas para o seu transporte.