Español
Català
Français
Galego
English
Italiano
Português
Deutsch
Norbaitekin edo laguntzaile batekin bidaiatu beharra
Segurtasunagatik, 16 urtetik gorako laguntzaile batekin bidaiatu behar duzu, nahitaez, honako hauetarako laguntza behar baduzu:
- Komunikatzeko edo autobuseko langileek emandako segurtasun-jarraibideak ulertzeko.
- Bidaian jateko, edateko edo komunera joateko.
- Gurpil-aulki/eskuter batetik eserleku batera transferitzeko.
- Eskaileretatik igotzeko.
Nolanahi ere, laguntzaileak dagokion txartela izan beharko du, eta ibilbide osoan egon beharko du laguntza behar duen bidaiariarekin.
Adimen- edo garapen-desgaitasun bat baduzu, eta % 33ko minusbaliotasun-maila edo handiagoa, zure laguntzailearekin bidaiatu ahal izango duzu, autobus berean, hainbat abantaila ere izanik.
Zure laguntzaileak doan bidaiatu ahal izango du zurekin, eta zuk ehuneko 15eko deskontua izango duzu zure txartelean.
Deskontu hori Alsak probintzia batetik bestera egiten dituen ibilbide guztietan eta Espainia barruko zenbait eskualde-zerbitzutan aplika daiteke.
Adibidez, txartel baten prezioa 20 euro baldin bada, zuk 17 euro baino ez dituzu ordainduko, eta zure laguntzaileak doan bidaiatuko du.
Kontsultatu deskontu hori nola eskatu.
Laguntza-txakurrek –nahasmendu diabetikoak eta/edo epileptikoak dituzten pertsonei laguntzeko txakurrak ere sartzen dira– autobusaren barruan bidaiatu ahal izango dute, inolako kosturik gabe eta aldez aurretik erreserbarik egin behar izan gabe, honako baldintza hauek betez gero:
- Lurrean eserita joango dira, bidaiariaren oinetan.
- Txakurrak uhala eraman behar du, baita dokumentazioa ere, bereziki, laguntza-txakur dela egiaztatzen duen agiria, Alsako langileek eska baitezakete bidaiaria autobusera igotzean.
- Txakurrek eraman behar dituzten frogagiriak: Sail eskudunak egindako txartela, eta identifikatzeko bereizgarri ofizial bat, ongi ikusteko moduan.
