Nenos viaxando sen acompañante

En traxectos nacionais os nenos menores de 11 anos inclusive deberán ir sempre acompañados dun adulto responsable. En traxectos internacionais, os viaxeiros menores de 16 anos só poderán viaxar se van acompañados por un adulto.

De forma excepcional, en servizos nacionais, os nenos de 12 a 13 anos poderán viaxar sós baixo estas condicións:

• Autorización para a viaxe de menores sen acompañante, dispoñible en todos os servizos: se o neno non viaxa acompañado dun adulto, de forma excepcional poderá viaxar só se o seu pai/nai/titor expide un Documento de Autorización que deberá ser asinado por el e selado por Alsa.

Condicións:

• O neno viaxará baixo a enteira responsabilidade da persoa que expida o documento.
• O persoal do servizo non ten a responsabilidade de supervisar o menor durante o traxecto nin nas paradas intermedias.
• En caso de expedir un Documento de Autorización, Alsa recomenda que o neno viaxe en servizos sen paradas e que non cheguen ao destino despois das 22 h.
• No embarque, o adulto responsable deberá acompañar o menor que, xunto co billete, deberá portar o Documento de Autorización asinado polos seus pais ou titores e confirmado por Alsa.

Como tramitar a autorización para viaxar?

• Descarga o impreso de autorización aquí .
• Os pais ou titores deben cumprimentar e asinar a autorización, e enviarla a través do formulario que se atopa máis abaixo con polo menos 48 horas de antelación á hora de saída da viaxe.
• Posteriormente, recibirás a confirmación da autorización por parte do noso Servizo de Atención ao Cliente.

Para calquera consulta sobre esta autorización para a viaxe de nenos sen acompañante, pode contactar con Alsa a través de CONTACTO .